《咕摩零》
埃及係伊斯蘭國家，星期五拜神星期六休息，不過邊輪到我呢個地盤妹咁多假放？
除咗周五例假，每日清晨7點出發，你都咪話唔亢奮。
車程1小時左右，未回魂嘅我通常喺車瞓屎咗，點知今日架車行咗一段路就開始’匙匙柒柒’咁聲...然後...跪低咗。
似乎電池出問題，連死火燈都打唔到，非常好。這下子我落車然後叫司機攞出三角警示牌，
佢側側頭問：「其實呢度冇人用嫁喎，乜你真係覺得有用？」
我咕一聲吞啖氣答：「你照我意思放喺車後50米地方吧。」
司機個頭再側啲：「吓50米？唔洗咁遠係咪啊？5米得啦！」
我再咕一聲，忍住度氣：「好，你擺吧，我企上行人路。」
有好心司機停車幫忙，太好了！
我梗係禮貌地走埋去講：「囇巴下hea!」
（阿拉伯文，意思早晨）
𠵱喂，拖鞋黨😳，非常好。唔緊要，佢著乜鞋都好，咕一聲吞啖口水心諗：最緊要撻返著部車......
Yeah!部車行得郁，繼續繼續......
行咗20公里，又聲到’匙匙柒柒’😑......
之後所發生嘅事情，請自行複製以上步驟多一次。
“連第二個司機都係著拖鞋呢！”
“港女啊港女，道路安全意識呢家嘢，你識條鐵咩。”
“咕“
成朝咕咕聲，真係咕摩零！
A very GUUD Morning!
#WhatAGuudMorning #咕摩零
#呢啲咪叫文化差囉
#出走埃及記2
#地盤妹日常
Search